2s .com

YANGA BANA! HEBU ISOME HII HABARI YA CEO MPYA WA CLAB HIO

WAKATI mashabiki na wanachama kadhaa wa Yanga wakilalama kuondokewa na kocha wao kipenzi, Hans van Pluijm, uongozi wa klabu hiyo unakamilisha taratibu za kuingia mkataba na Mtendaji Mkuu mpya wa klabu hiyo Mfaransa, Jerome Dufourg, ambaye rekodi yake inatisha.
Mtendaji huyo mpya pindi atakapoajiriwa atakuwa na mamlaka ya juu kabisa katika mambo yote ya uendeshaji wa klabu, ambapo taarifa za ndani ambazo DIMBA Jumatano limezipata zinadai kuwa yuko karibu kusaini mkataba wa miaka mitatu.
Dufourg, raia wa Ufaransa, ni miongoni mwa watu wanaotambulika na Shirikisho la Soka Ulimwenguni (FIFA) kutokana na kuwa na wasifu (CV) wa juu katika mambo ya soka.
Mfaransa huyo kijana mwenye umri wa miaka 30, ana shahada ya juu ya Fifa katika uongozi wa soka kuhusiana na uchumi pamoja na utawala.

Katika nchi za Afrika, amewahi kufanya kazi Shirikisho la Soka nchini Rwanda  (FERWAFA) pamoja na klabu ya FC Talanta ya Ligi Daraja la Pili nchini Kenya.