Kiongozi wa muda mrefu nchini Gambia Yahya Jammeh amekubali kung'atuka na kuondoka nchini humo, rais anayetambuliwa na jamii ya kimataifa amesema.

Adama Barrow ametangaza hayo kupitia ukurasa wake wa Twitter, baada ya mazungumzo ya saa kadha yaliyonuiwa kumshawishi Bw Jammeh kukubali matokeo ya uchaguzi.

Mataifa ya Afrika Magharibi yamewatuma wanajeshi Gambia na kutishia kumuondoa Jammeh madarakani kwa nguvu.

Bw Barrow amekuwa nchini Senegal kwa takriban wiki moja.

Aliapishwa kuwa rais mpya wa Gambia katika ubalozi wa Gambia mjini Dakar mnamo Alhamisi.

Ametambuliwa na jamii ya kimataifa kama kiongozi mpya wa Gambia.

Bw Jammeh alkuwa amepewa makataa ya kuondoka madarakani kufikia saa sita mchana la sivyo aondolewe kwa nguvu na wanajeshi wanaoungwa mkono na UMoja wa Mataifa.

Amekuwa akishauriana na Rais wa Guinea Alpha Conde na mwenzake wa Mauritania Mohamed Ould Abdel Aziz.

Muda rasmi wa Jammeh kuongoza kikatiba ulifikia kikomo Jumatano.

Hata hivyo, akiwa bado rais, alifanikiwa kuhakikisha bunge linapitisha sheria ya kumruhusu kuendelea kutawala hadi Mei.

Kwa kuwa Bw Barrow tayari ameapishwa, taifa hilo ni kana kwamba lilikuwa na marais wawili kwa wakati mmoja.

Wanajeshi wa Ecowas kutoka Senegal na nchi nyingine za Afrika Magharibi waliingia nchini humo baada ya kuapishwa kwa Bw Barrow na walisema hawakukumbana na upinzani wowote.

Mbona Jammeh hataki kuondoka madarakani?

Image captionJammeh anataka uchaguzi mpya ufanyike Gambia

Bw Jammeh awali alikubali kwamba Bw Barrow alishinda uchaguzi lakini baadaye akabadili msimamo wake na kusema hangeachia madaraka.

Alitangaza hali ya tahadhari ya siku 90 na kuhimiza "amani, utulivu na kufuatwa kwa sheria" baada ya kile alichosema ni udanganyifu uchaguzini.

• Barrow: "Hii ni Gambia mpya"
• Watu waikimbia Gambia wakihofia vita

Alisema tume ya uchaguzi ilifanya makosa mengi, na baadhi ya wafuasi wake walizuiwa kupiga kura vituoni.

Tume hiyo baadaye ilikubali kwamba baadhi ya matokeo yaliyotangazwa yalikuwa na makosa, lakini ikasema makosa hayo hayangeathiri ushindi wa Bw Barrow.

Bw Jammeh amesema atasalia madarakani hadi uchaguzi mpya ufanyike.

Hatua yake ya kuendelea kung'ang'ania madaraka itahakikisha kwamba hashtakiwi kutokana na makosa aliyoyatenda wakati wa utawala wake.

Mbona Senegal inaongoza kumkabili

Ecowas, Jumuiya ya Kiuchumi ya nchi za Afrika Magharibi, iliipa Senegal jukumu hilo kwa sababu taifa hilo linaizunguka Gambia.

Kanali Abdou Ndiaye, msemaji wa jeshi la Senegal, amesema Ecowas iliamua kumuwekea Jammeh makataa ili kujaribu kupata suluhu ya kidiplomasia.

Wanajeshi wote wa Gambia ni takriban 2,500.

Image captionRais Macky Sall wa Senegal akiwa na Adama Barrow awali Ijumaa

Hii inaifanya vigumu kufikiria ni vipi wanaweza kuwashinda wanajeshi wa kanda hiyo, anasema mwandishi wa BBC wa masuala ya usalama Afrika Tomi Oladipo.

• Mawaziri watatu zaidi wajiuzulu Gambia
• Gambia: Mkuu wa uchaguzi aenda mafichoni

Nigeria imetuma ndege za kivita na ndege nyingine za kawaida, pamoja na wanajeshi 200 nchini Senegal. Wanajeshi hao walienda Senegal Jumatano asubuhi.

Meli za kivita za Nigeria pia zimewekwa tayari baharini.

Manowari moja iliondoka Lagos Jumanne na itakuwa na jukumu la kuwaokoa raia wa Nigeria walio nchini Gambia.

Ghana pia inachangia wanajeshi.

VITA KALI YAIBUKA UCHAGUZI CHADEMA

‘NI vita’, hivyo ndivyo tafsiri inapatikana kufuatia mvutano mkali ulioibuka ndani ya Chama cha Demokrasia na Maendeleo (Chadema) kati ya Mchungaji Peter Msigwa na Patrick Ole Sosopi ambao wanapambana kuwania nafasi ya uenyekiti kanda ya Nyasa, RAI linachambua.

Msigwa ambaye ni Mbunge wa Iringa Mjini anapamba na Ole Sosopi ambaye ni Makamu Mwenyekiti wa Baraza la Vijana wa Chadema (Bavicha), kuwania Kanda hiyo ya Nyanda za Juu Kusini (Nyasa) inayojumuisha mikoa ya Iringa, Mbeya, Rukwa, Njombe na Songwe.

Tangu maandalizi ya uchaguzi kanda nane za Chadema yalipoanza mwezi uliopita kumekuwapo na majibizano kati ya wafuasi wa wagombea hao wawili ambao kwa namna moja au nyingine wamekuwa wakitumia mitandao ya kijamii kuanika madhaifu ya kila mgombea.

Hata hivyo, Msigwa ameonekana kushambuliwa zaidi kutokana na madai mbalimbali ikiwamo tabia ya kutoshirikiana na wabunge wenzake katika kukijenga chama, pia kujiweka mbali na wabunge wa chama hicho kipindi walipokuwa wakipambana kutetea madai yao kwa Naibu Spika wa Bunge Dk. Tulia Ackson.

Aidha, taarifa zilizolifikia RAI zinaeleza kuwa baadhi ya wabunge na viongozi wa chama hicho wameonekana kusita kumuunga mkono Mbunge huyo kutokana na madai ya ubinafsi aliouonyesha katika kipindi cha kampeni za uchaguzi kwa kushindwa kushirikiana na makada wa chama hicho kuzunguka sehemu mbalimbali.

“Pamoja na kuwa madarakani kwa zaidi ya miaka 10, ameshindwa kukisaidia chama chake kuongeza mbunge mwingine katika mkoa wa Iringa, na pia haoneshi ushirikiano na wabunge wenzake pindi kunapotokea msimamo fulani kwa masilahi ya chama,” kilisema chanzo chetu.

Hata hivyo baadhi wafuasi wa Ole Sosopi walionekana kulalamika kutukanwa kwenye mitandao ya kijamii ambapo mmoja wao alisema: “Nimeshangaa sana watu kunifuata inbox na kunitukana hata wengine kutumia lugha ambayo si njema. Kumuunga mkono Ssosopi ‘it’s just my perception.’ Kwa kuwa nina akili timamu siwezi kujibu matusi kama mlivyofanya.

“Imeniuma sana, nimeumia sana. Naomba niliweke wazi hili, Peter Msigwa ni Mbunge wangu, ni mlezi wangu na sina ugomvi naye.

Sosopi na Msigwa wote ni Chadema na wote ni familia moja ndani ya chama chetu Chadema,” aliandika Kumbusho Kagine katika ukurasa wake wa Facebook.

Aidha, ili kupata sababu ya mvutano huo ambao umeibua madai mbalimbali dhidi ya Msigwa, RAI lilimtafuta Mchungaji Msigwa ambaye kwanza alisema yupo Mombasa nchini Kenya.

Pamoja na mambo mengine alisema hafahamu madai na tuhuma alizoshushiwa na baadhi ya wafuasi wa mpinzani wake, na kuongeza kuwa yeye si mtu wa kulinganishwa na Ole Sosopi.

“Hivi kwako unaona ni habari ya maana sana hii? Hivyo ni vitu vidogo kwa kawaida huwa sipendi kupoteza muda na watu wenye akili ndogo wanaweza kukupotezea muda,” alisema Msigwa.

Hata hivyo baadhi ya Wabunge waliodaiwa kutomuunga mkono Msigwa nl James Milya – Mbunge wa Simanjiro ambaye alisema suala la mvutano huo halitakiwi kuzungumzwa nje bali ni ndani ya chama.

Aidha, kwa upande wake Ole Sosopi alisema hawezi kuzungumzia madai yoyote yanayotolewa dhidi yake kwa sababu taratibu za chama haziruhusu kufanya kampeni.

Alisena: “Kwa sababu hata hao wanaojiita wafuasi wangu, sijawatuma, wala sijatumia jukwaa lolote kuomba support yao ndio maana nasita kuzungumzia chochote wanachokisema. Kwa sababu kwanza hata siwaamini kweli kwamba wapo upande wangu ama la.”

Uchaguzi wa kanda ya Nyasa unatarajiwa kufanyika Desemba 22 mwezi huu mjini Tunduma mkoani Mbeya.

GOod News!!! LEO DECEMBER 6! ZARI THE BOSS LADY KATUONGEZEA MTANZANIA MWINGINE DUNIANI

i good news nyingine kwa msanii wa Bongofleva Diamond Platnumz ambaye leo December 6 2016 mpenzi wake Zarina Hassan amefanikiwa kujifungua mtoto wake wa pili, Zari na Diamond wamepata mtoto wao wa pili baada ya kupata mtoto wao wa kwanza Tiffah August 2015.
Zari amejifungua leo saa 10:35 alfajiri katika hospitali ya Netcare  Pretoria South Africa lakini Diamond Platnumz amepost kutumia ukurasa wake wa instagram na kueleza furaha yake ila bado hawajampa jina mtoto wao huyo wa kiume.

MZOZO WA MPAKA BAINA YA TANZANIA NA MALAWI WAIBUKA UPYA! isome hapa>>www.salymjuma.blogsport.com

Ramani mpya iliyotolewa na Tanzania ambayo inaonyesha kuwa inaamiliki nusu ya Ziwa linalozozaniwa la Malawi au Nyasa, imezua mzozo mpya na Malawi ambayo inasema kuwa ramani hiyo sahihi.

Ramani ya Tanzania inaonyesha kuwa eneo la Kaskazini Mashariki mwa ziwa hilo ni sehemu ya himaya yake, lakini Malawi nayo inadai kuwa eneo hilo lote ni lake.

Malawi imeomba Umoja wa Mataifa, Mungano wa Afrika na mashirika mengine ya kimataifa kuingilia kati.

Msemaji wa wizara ya mashauri ya nchi za kigeni nchini Malawi, Rejoice Shumba amesema kuwa Malawi imeandika barua kwa mashirika makuu duniani ikiyataka kupuuzilia mbali ramani ya Tanzania.

• Tanzania na Malawi zazozania nini?

Hii si mara ya kwanza Malawi imepinga ramani hiyo ya Tanzania.

Msukosuko uliibuka mwaka 2011 wakati Malawi ilianza shughuli za kutafuta mafuta kwenye ziwa hilo.

Serikali ya Tanzania bado haijatamka lolote kukuhusu suala hilo.

Nini hasa kinazozaniwa?

Fahari ya nchi na maswala ya kujiendeleza kiuchumi kwa Malawi na Tanzania kila mmoja akisimama kidete kusisitiza msimamo wake.

Kwa Tanzania, ziwa hilo linajulikana kama Nyasa, wakati nchini Msumbiji inajulikana kama Lago Niassa.

Malawi na Tanzania ni koloni za zamani za Uingereza wakati Msumbiji ilikuwa chini ya ukoloni wa Ureno. Uingereza iliichukua Tanzania kutoka kwa Wajerumani baada ya wao kushindwa katika vita vya kwanza vya dunia.

Kando na ripoti za kuwepo mafuta na gesi katika ziwa hilo, ziwa lenyewe ni kivutio kikubwa cha watalii.

Malawi inasema inashauriana na Msumbiji kuhusiana na uchimbaji wa mafuta katika siku za baadaye ili kuzuia mzozo wa kidiplomasia .

Je hii ni mara ya kwanza kwa mzozo huu wa ziwa Malawi kutokea?

Hapana. Mapema miaka ya sitini, Malawi ilidai umiliki wa ziwa hilo kwa kuambatana na makubaliano ya mwaka 1890 Heligoland kati ya Uingereza na Ujerumani ambayo yalisema kuwa mpaka kati ya nchi hizo uko upande wa Tanzania.

Makubaliano hayo yaliafikiwa na Muungano wa Afrika na Tanzania ikaitikia ingawa shingo upande. Mzozo mpya kati ya nchi hizo ukaripotiwa tena kati ya mwaka 1967 na 1968.

Ulichipuka tena mwaka mwaka 2011, Malawi ilipotoa leseni ya kuchimba mafuta kwa kampuni ya British Surestream Petroleum Limited. Sehemu iliyotolewa kwa uchimbaji wa mafuta ni sehemu yenye mraba wa kilomita 20,000 sehemu ambayo Tanzania inasema ni yake.

Vyombo va habari viliripoti mwezi Julai mwaka 2012 kuwa mitumbwi ya wavuvi na ya watalii kutoka Malawi ilivuka na kuingia upande wa Tanzania

Tanzania nayo ikasema kuwa ingetafuta ushauri kutoka jamii ya kimataifa ikiwa nchi hizo hazingeweza kusuluhisha mzozo huo zenyewe.

Hofu ya hatua za kijeshi

Hofu ya mzozo kutokota na kuwa mbaya zaidi ilijitokeza mwaka 2012 wakati Tanzania iliposema kuwa ingelinda mipaka yake na kuzingatia sheria za kimataifa.

RATIBA KAMILI KOMBE LA FA HII HAPA

Manchester United watakutana na Reading katika hatua ya klabu 32 bora michuano ya Kombe la FA baada ya droo kufanywa Jumatatu.

Mkufunzi wa Reading ni beki wa zamani wa Manchester United Jaap Stam.
Chelsea nao watakutana na mshindi kati ya Petersborough na Notts County.
Michuano hiyo ya raundi ya tatu itachezwa kati ya 6 na 9 Januari, 2017.
West Ham watakuwa wenyeji wa Manchester City kwenye mechi itakayokutanisha klabu za Ligi za Premia, huku wenzao Everton wakiwa wenyeji wa Leicester City.

Droo za Raundi ya tatu Kombe la FA
Ipswich v Lincoln	Barrow v Rochdale
Manchester United v Reading	Hull v Swansea
Sunderland v Burnley	QPR v Blackburn
Millwall v Bournemouth	West Ham v Manchester City
Brighton v MK Dons/Charlton	Blackpool v Barnsley
Wigan v Nottm Forest	Birmingham v Newcastle
Chelsea v Peterborough/Notts County	Middlesbrough v Sheff Weds
West Brom v Derby County	Everton v Leicester
Liverpool v Newport/Plymouth	Wycombe v Northampton/Stourbridge
Watford v Burton Albion	Preston v Arsenal
Cardiff v Fulham	Stoke v Wolves
Cambridge Utd v Leeds	Bristol City v Shrewsbury/Fleetwood
Huddersfield v Port Vale	Tottenham v Aston Villa
Brentford v Halifax/Eastleigh	Bolton v Crystal Palace
Norwich v Southampton	Sutton Utd v AFC Wimbledon
Accrington v Luton	Rotherham v Oxford/Macclesfield

Mada zinazohusiana

BEN CARSON ATEULIWA WAZIRI WA MAKAZI NA TRUMP

Donald Trump amemteua mmoja wa washindani wake kuwa Waziri wa makazi na ustawi wa miji.

Rais huyo mteule amesema amefurahishwa sana kumteuwa Dkt. Ben Carson ambae amemtaja kama aliye na uwezi wa kuimarisha masuala ya jamii.

Ben Carson alistaafu kama daktari wa upasuaji wa kichwa.

Mwandishi wa BBC mjini Washington Marekani amesema bwana Trump na Carson wananuia kuwavutia wafuasi wa chama cha Republican ambao wametaka uwongozi uwepo kwa watu wasio ya uzoefu wa kisiasa.

Dkt Ben Carson ana ushawishi mkubwa miongoni mwa Wamarekani wa madhehebu ya kiinjilisti.

KAMANDA WA POLISI MKOA WA KAGERA (SACP) ATAJA SABABU ZILIZO PELEKEA KIFO CHA MCHEZAJI U20

Kamanda wa Polisi Mkoa wa Kagera Kamishna Msaidizi wa Jeshi la Polisi (SACP) Augustine L. Ollomi kupitia kipindi cha Adhuhuri Lounge cha Azam TV amesema, kifo cha mchezaji wa U-20 wa Mbao FC kilitokana na moyo kusimama ghafla (Sadden Cardiac Arrest).

“Tumepokea taarifa kutoka kwa askari wetu ambao walikuwa wanaangalia usalama pale uwanjani ambapo kulikuwa na mechi kati ya Mbao FC kutoka Mwanza na timu nyingine ya Mwadui FC.”

“Kuna mchezaji alianguka wakati wanagombea mpira na mchezaji mwenzie kwahiyo akawa amepata mshtuko, alikimbizwa hadi hospitali ya Rufaa ya mkoa muda kama wa saa 12:08 lakini baada ya uchunguzi ikagundulika kwamba ameshafariki dunia.”

“Tulifungua jalada la uchunguzi, bahati nzuri madaktari walitufanyia huduma ya haraka, kwa muonekano huyu Bw. Ismail Mrisho Khalfan ambaye ndio alikuwa ameanguka pale uwanjani kwa nje hakuonekana kuwa na jeraha kwa hiyo madaktari wakatueleza lazima afanyiwe uchunguzi wa kina.”

“Matokeo yake ni kwamba, daktari alituthibitishia kwamba, kifo kilitokana na moyo kusimama ghafla (Sadden Cardiac Arrest).”